Ég elska Tokyo

Etsuzan Ramen

2009-12-27T07:49:13Z

Etsuzan Ramen er ramen staður sem er að finna í Koenji við yfirbyggða verslunargötu í stuttri fjarlægð frá lestarstöðinni. Aðalsmerki staðarins er súpan þeirra sem er frekar sjaldgæf blanda af svínabeina- og fiskbeinasoði. Grunnverðið er 700 jen fyrir núðlurnar en svo er hægt að bæta við áleggjum svo sem harðsoðnu eggi, auka kjöti, vorlauk og svo framvegis.

Súpan er í þykkri kantinum og er þessi blanda af fisk og svínaafurðum mjög sérstök. Þeir sem að hafa óbeit á japönsku fiskibragði (eins og dashi) ættu að fara eitthvert annað en fyrir þá sem vilja prufa eitthvað nýtt og óhefðbundið er þetta góður staður til að prufa.

Etsuzan Ramen
東京都杉並区高円寺南4-25-4
Suginami-ku, Koenji-minami 4-25-4 (Kort)

Medicom Toy (Project 1/6)

2009-09-30T06:33:08Z

Medicom Toy starfrækir búðina Project 1/6 í hverfinu Shibuya þar sem þeir selja ýmsar vínyl fígúrur sem að fyrirtækið framleiðir. Þeir hafa lengi verið þekktir sem framleiðendur hinna vinsælu Be@rbrick kalla en einnig framleiða þeir margar aðrar línur sem og smávegis af fatnaði.

Í búðinni er hægt að versla flestar þær vörur sem þeir hafa á boðstólum og einnig eru af og til hlutir sem að eru eingöngu seldir í þessari búð. Einnig er gott að kíkja þangað til að leita eftir tilkynningum og flyerum fyrir listasýningar sem eru í gangi hverju sinni.

Til að komast þangað er farið sömu leið og að klúbbnum Module en haldið áfram framhjá staðnum og út götuna í um 5 mínútur þar til búðin blasir við á hægri hönd.

Project 1/6
東京都渋谷区宇田川町37-10
Shibuya-ku, Utagawa-cho 37-10 (Kort)

Kicks Lab

2009-09-30T06:16:28Z

Fyrir áhugafólk um strigaskó er Harajuku einn af bestu stöðum í heimi að skoða sig um. Þar er að finna margar búðir svo sem þessa, Kicks Lab, sem að selja sjaldgæfa strigaskó frá öllum helstu merkjunum. Mest er um Nike og undirlínu þeirra Nike SB en annars er einnig hægt að finna skó frá Adidas, Vans, Puma, Supra og fleiri merkjum.

Verðin eru á miklu reiki, allt frá 5.000 upp í 150.000 jen fyrir skóparið en dýrustu vörurnar eru þær sjaldgæfustu. Fyrir þá sem hafa leitað lengi að Air Jordan skóparinu úr barnæsku gætu haft heppnina með sér hér.

Til að komast þangað er farið út um Takeshita Street Exit á Harajuku lestarstöðinni og gengið niður alla Takeshita Street þar til komið er að stórri breiðgötu. Þar er farið beint yfir götuna og beint af augum inn götuna við hliðina á búðinni Murasaki Sports. Eftir stuttan spöl er tekin fyrsta vinstri beygja og gengið um 100 metra og þar er búðin á hægri hönd. Athuga að á kortinu hér að neðan virðist þetta vera við breiðgötuna en þetta er í mjórri götu á bakvið.

Kicks Lab
東京都渋谷区神宮前4−32−5
Shibuya-ku, Jingu-mae 4-32-5 (Kort)

Kohmen Ramen

2009-02-25T11:30:30Z

Kohmen er afar vinsæll ramen núðlustaður með nokkur útibú dreifð um stór-Tokyo svæðið. Þeir framreiða allar vinsælustu tegundirnar af ramen (sjá hér) og einnig tan tan men. Verðið er mjög svipað og á öðrum ramen stöðum í sama gæðaflokki eða 700-900 jen fyrir máltíðina.

Þegar komið er inn á staðinn tekur á móti þér þjónn sem vísar þér til sætis, ekki er þörf að kaupa matarmiða úr sjálfsala og gefa starfsmanni eins og á flestum svipuðum keðjum. Matseðillinn er vel myndskreyttur svo auðvelt er að velja sér það sem lítur bragðgott út. Þessi staður gerir allar þessar mismunandi tegundir af ramen núðlum mjög vel en fyrir þá sem finnst sterkur matur góður er tan tan men mjög bragðgott þar.

Auðveldast er að finna útibúið í Ikebukuro en til að komast þangað er farið út um Seibu East Exit á lestarstöðinni og beygt strax til hægri. Þar er labbað beint meðfram Seibu verslunarmiðstöðinni, framhjá Starbucks og Illums en staðurinn er beint við hliðina á Illums á hægri hönd.

Kohmen Ramen
東京都豊島区南池袋1-18-22
Toshima-ku, Minami-Ikebukuro 1-18-22 (Kort)

Seibee Ramen

2009-02-25T09:53:25Z

Seibee er lítil keðja af ramen núðlustöðum með 2 útibú í Tokyo en annað þeirra er staðsett í Ueno. Það sem er á boðstólum er miso ramen í mismunandi útfærslum og er þessi staður einn af betri stöðunum í Tokyo fyrir þessa tegund af ramen núðlum.

Aðalsmerki staðarins eru þessir tveir réttir, annars vegar buta-miso (vinstra megin) þar sem í súpuna er bætt við steiktum baunaspírum og svínakjöti og hins vegar karanegi-miso (hægra megin) þar sem er bætt við sterkkrydduðum lauk　og svínakjöti.

Staðurinn er staðsettur í sama hverfi og stóri almenningsgarðurinn Ueno Koen og er því tilvalið að kíkja á þennan stað eftir að skoða t.d. dýragarðinn og listasöfnin sem hægt er að finna í garðinum.

Til að komast á staðinn er farið út um Shinobazu Exit á Ueno lestarstöðinni og farið yfir götuna í átt til hægri. Þar á horninu er risastór raftækjaverslun en farið er inn verslunargötuna vinstra megin við raftækjaverslunina og haldið áfram á beinni braut (gatan kvíslast einu sinni, þar halda beint áfram en ekki beygja) í um 5-10 mínútur þar til komið er að næstu stóru gatnamótum. Þar er ekki farið yfir götuna en beygt upp til hægri og þar er Seibee Ramen um 50 metra upp götuna. Sjá staðsetninguna hér.

Seibee Ramen
東京都台東区上野4-2-1
Taito-ku, Ueno 4-2-1 (Kort)

Warszawa Records

2009-02-25T08:45:22Z

Ein af betri plötubúðum Tokyo borgar, Warszawa Records er búin að vera starfrækt í mörg ár og býður upp á allt það helsta í indie músík, teknó, house, dubstep og öðrum geirum. Mikið úrval er af diskum en einnig eru þeir með heilmikið úrval af vínyl í hillunum meðfram veggjunum. Verðin eru mjög sambærileg öðrum verslunum á svæðinu en helsti kosturinn við þessa búð er yfirgripsmikið úrval af neðanjarðarmúsík sem finnst oft ekki í stærri keðjunum.

Á haustmánuðum 2008 setti verslunin upp kaffihús í sama húsnæði. Boðið er upp á góða létta rétti og eru þeir með einfaldan en góðan drykkjarmatseðil. Kaffi, te og gosdrykkir eru á bilinu 400-600 jen og réttirnir í kringum 1000 jen. Þar sem þetta er einnig plötubúð er spiluð mjög fjölbreytt tónlist, allt frá minimal teknói til hip hops.

Hægt er að sitja upp við gluggann og fylgjast með mannmergðinni og er þetta tilvalið kaffihús til að slappa af eftir verslunar- eða skoðunarferð í Shibuya. Til að komast þangað er farið út um Hachiko Exit á Shibuya lestarstöðinni og gengið yfir stóru gatnamótin í átt að Starbucks. Þar er farið hægra megin við bygginguna og labbað meðfram Seibu verslunarmiðstöðinni og beygt næstu götu inni til vinstri. Svo er gengið beinustu leið þar til gatan kvíslast, þar er farið hægri götuna nokkurra tugi metra þar til Warzawa Records birtist á þriðju hæð vinstra megin. Á fyrstu hæð er kráin Kirin City. Sjá betur á íslenskuðu korti hér.

Warszawa Records
東京都渋谷区宇田川町31-3第三田中ビル
Shibuya-ku, Utagawa-cho 31-3 (Kort)

Nakamoto Ramen

2008-10-23T04:43:34Z

Fyrir ótrúlega góðar núðlur, sem eru örlítið í sterkari kantinum, er Nakamoto málið. Þetta er lítil keðja, aðeins með 8 útibú sem eru dreifð um stór-Tokyo svæðið. Ramen-ið sem þeir sérhæfa sig í er miso ramen sem þýðir að aðalhráefnið í núðlusúpunni er miso. Galdurinn við þeirra útgáfu er að þeir blanda miso-ið við sterkt chilli sem að umturnar bragðinu svo að súpan bragðast lítið sem ekkert eins og miso.

Allir réttirnir á matseðlinum eru flokkaðir eftir styrkleika, allt frá einum loga upp í fimm loga. Fyrir þá sem að sem að finnst mátulega sterkur matur góður (t.d. indverskur) er gott að byrja á tveimur. Fyrir þá sem eru ekki mikið fyrir sterkan mat er einnig hægt að fá ramen sem að er ekki sterkt. Í hverjum mánuði kynna þeir nýjan rétt sem þeir framreiða í takmarkaðan tíma og er einnig vert að skoða þá. Sem dæmi má sjá á myndinni að ofan rétt sem þeir voru með sumarið 2008 þar sem súpan var bragðbætt með tómat allt toppað með steiktu grænmeti.

Þessi staður eins og svo margir aðrir nota matarmiða sem þýðir að þú setur pening í sjálfsala, velur það sem þú vilt, færð svo miða með pöntuninni og afganginn. Miðann læturðu starfsmanninn fá og hann færir þér það sem þú pantaðir. Einnig er vert að minnast á að þessi staður er einstaklega vinsæll og oft er hálftíma til klukkutíma bið eftir sæti. Til að forðast bið er best að fara um eftirmiðdaginn eða seint á kvöldin.

Hentugasta útibúið (og það sem er auðveldast að finna) er í Shinjuku en það er í undir 10 mínútna göngufjarlægð frá stöðinni. Hér er íslenskað kort til að komast þangað og svona lítur staðurinn út (nb. hann er í kjallara og ekki sá sami og á myndinni hér að ofan).

Nakamoto Ramen
東京都新宿区西新宿7-8-11
Shinjuku-ku, Nishi-Shinjuku 7-8-11 (Kort)

Air Tokyo

2007-09-21T12:27:53Z

Air Tokyo er með betri klúbbum Tokyo og er staðsettur í Daikanyama, sem er í göngufjarlægð frá Shibuya. Tónlistin sem er spiluð þar er öll afbrigði af house/techno og svo stundum hip hop og drum'n'bass.

Barinn á staðnum er stórgóður, allt barfólkið þar er þaulæft og er það með betri eiginleikum staðarins. Verðin á barnum eru örlítið í dýrari kantinum eða um 7-800 jen fyrir drykkinn en gæðin eru til staðar.

Mikilvægt er að taka vegabréfið með sér þar sem að þeir eru mjög strangir á skilríkjum. Jafnframt taka þeir ekki debetkort gild sem skilríki svo að það er best að passa sig og taka vegabréfið með.

Til að komast þangað ferðu út um West Exit á Shibuya lestarstöðinni og labbar þaðan yfir göngubrúnna í áttina að lestarteinunum (vinstri beygja þegar þú kemur upp á brúnna). Þegar komið er yfir götuna þarftu að labba mjóa götu meðfram lestarteinunum þar til þú kemur að klúbbnum á hægri hönd. Kort með leiðinni má finna hér.

Air Tokyo
東京都渋谷区猿楽町2-11
Shibuya-ku, Sarugaku-cho 2-11 (Kort)

Super Potato Akihabara

2007-09-20T11:31:26Z

Super Potato er ein besta búðin í Tokyo fyrir gamla tölvuleiki og leikjatengdan varning. Fyrir þá sem spiluðu mikið Nintendo eða hvaða leikjatölvu sem er í barnæsku er það hrein nauðsyn að kíkja þangað.

Verslunin selur flest allar gerðir leikjatölva (t.d. Nintendo, Sega, Neo-Geo) sem og leikina fyrir þær, allt frá þeim elstu upp í þá nýjustu. Allt mögulegt er á boðstólum, allt frá einstaklega sjaldgæfum leikjum sem fara á mörg hundruð þúsund jen stykkið og einnig sjaldséðar leikjatölvur eins og Virtual Boy sem var misheppnuð vél frá Nintendo frá árinu 1995.

Til að komast þangað er farið út um Akihabara Exit á Akihabara lestarstöðinni (á Yamanote JR línunni). Þegar komið er út um hliðið er farið út um útganginn til vinstri og farið svo til hægri beint af augum, út mjóa götu að aðalgötunni sem sker hverfið í tvennt. Þar hinum megin við götuna er Club Sega spilatækjasalur. Farið er yfir götuna og inn mjógötuna vinstra megin við Sega salinn og svo tekin fyrsta beygjan til hægri. Eftir tæpa mínútu sést byggingin á hægri hönd en búðin er á 3. og 4. hæð hússins en þeir reka einnig spilatækjasal á 5. hæð.

Super Potato Akihabara
東京都千代田区外神田1-11-2
Chiyoda-ku, Soto-Kanda 1-11-2 (Kort)

Red Bar (Chandelier)

2007-09-13T15:35:52Z

Red Bar (eða Chandelier) er einn af þessum stöðum sem (vonandi enn) finnst ekki í neinum leiðsögubókum um Tokyo. Þetta er mjög sjarmerandi "after hours" bar staðsettur í Shibuya rétt hjá lestarstöðinni. Nafnið dregur hann af því að það eru ekkert nema ljósakrónur í loftinu og veggirnir eru rauðir.

Eins og áður hefur komið fram er þetta "after hours" staður og opnar því ekki fyrr en eftir miðnætti. Sagan segir að eigandinn opni staðinn eftir eigin hentisemi oft og er því betra að kíkja þangað að minnsta kosti eftir 01:00 til að auka líkurnar á að hann sé opinn. Ef kveikt er á lampanum fyrir utan hurðina er opið.

Einn aðalkosturinn við þennan stað er að drykkirnir eru ódýrir (500 jen) án þess að notað sé í þá hræódýrt sprútt. Sérstaklega er hægt að fá góðan gin buck þarna en í honum er gin og kryddað og ósætt engiferöl.

Red Bar (Chandelier)
東京都渋谷区猿楽町2-11
Shibuya-ku, Sarugaku-cho 2-11 (Kort)

]]> Staðurinn er opinn alla daga frá um 01:00 til morguns. Opnunartíminn er þó misjafn því eigandinn hefur mikla hentisemi um hvenær hann mætir og opnar. Staðurinn opnar oft ekki fyrr en seint og því best að kíkja þegar fer að líða vel á kvöldið.

Allir drykkir kosta 500 jen (~275 kr.) og eru mjög góðir miðað við verð enda góð hráefni notuð.

Til að komast þangað ferðu út um East Exit á Shibuya lestarstöðinni og labbar í örfáar mínútur þaðan en leiðin sést mjög vel á þessu korti.

Elephant Cafe

2007-09-13T12:13:02Z

Elephant Cafe er ágætis "asískur" veitingastaður staðsettur í Shibuya meðal annars. Staðurinn er mjög stór, og því auðvelt að fá borð og hann er einnig stutt frá lestarstöðinni. Verðin eru mjög svipuð og á svipuðum veitingastöðum eða um 2-3000 jen á manninn fyrir mat með drykkjum inniföldum.

Matseldin sem er á boðstólum er blanda af víetnömskum, taílenskum, kínverskum mat blandað með hinu og þessu frá öðrum löndum innan Asíu. Maturinn er prýðilegur en það sem heillar mest við staðinn eru innréttingarnar (þar á meðal risa Búddalíkneski inni á miðjum staðnum) og andrúmsloftið þar inni.

Til að komast þangað er farið út um Hachiko Exit á Shibuya lestarstöðinni, og svo yfir stóru gatnamótin í átt að Starbucks. Þaðan er farið meðfram götunni til vinstri, yfir næstu gatnamót og örlítið upp brekkuna (framhjá verslunarmiðstöðinni 109) en þar er staðurinn fljótlega á hægri hönd á 5. hæð.

Elephant Cafe

東京都渋谷区道玄坂2-29-5　ザ･プライム5F

Shibuya-ku, Dougenzaka 2-29-5 (Kort)

]]> Mikið er af litlum réttum á matseðlinum svo best er að panta nóg af því sem kitlar bragðlaukana og svo deila með sér. Bjór og aðrir drykkir eru frekar ódýrir.

Hvar: Farið er út um Hachiko Exit á JR Shibuya lestarstöðinni. Labbaðu yfir torgið og yfir götuna á risagatnamótunum, beygðu svo til vinstri og haltu áfram. Framundan ættirðu að sjá götuna tvístrast og risaverslunarmiðstöðina 109. Farðu yfir götuna og vinstra megin við 109 -- í næsta húsi á hægri hönd er Elephant Cafe á 5. hæð. [ kort ]

The Daiso

2007-09-13T11:25:22Z

Ein af óhjákvæmilegu afleiðingum þess að fara til Japan er að kaupa gríðarlegt magn af litlum minjagripum fyrir fjölskyldu og vini. Þegar listinn er orðinn langur er gott að geta rumpað þessu af með því að kaupa mikið af litlum gjöfum á einum stað og þar kemur The Daiso búðin að góðum notum.

Þetta er stór keðja af afsláttarbúðum sem selja vörur sínar flest allar á 105 jen. Þar er hægt að fá allt milli himins og jarðar en mikið úrval er af alls kyns vörum sem eru tilvaldar í minjagripi svo sem matprjónar, ýmis búsáhöld og alls kyns matvara.

Þessar búðir eru staðsettar um allt Japan en ein af stærri verslunum innan stór-Tokyo svæðisins er staðsett í Harajuku, stutt frá lestarstöðinni. Gengið er út um Takeshita Street Exit, farið yfir götuna og aðeins niður Takeshita Street þar sem hún er á vinstri hönd.

The Daiso
東京都渋谷区神宮前1-19-24
Shibuya-ku, Jingu-mae 1-19-24 (Kort)

]]> Í Daiso er hægt að fá allt milli himins og jarðar og er langstærsti meirihluti varanna á einungis 100 jen (~55 kr.). Þar er hægt að kaupa glingur til að setja á síma, handklæði, leikföng, bindi, klósettbursta, eggjaskera, matprjóna, Hello Kitty dót og svo mætti lengi áfram telja.

Það er víst til tugir ef ekki hundruðir af þessum verslunum en mér finnst alltaf gaman að kíkja í útibúið í tískuhverfinu Harajuku því þar er búðin á nokkrum hæðum og nóg af mannlífi til að skoða í leiðinni.

Farið er út um Takeshita Exit á JR Harajuku lestarstöðinni og labbað beint af augum yfir götuna og niður Takeshita Street (sjá hér). Eftir eina til tvær mínútur blasir The Daiso við á vinstri hönd.

Mos Burger

2007-09-12T12:04:20Z

Mos Burger er einn af vinsælustu hamborgarakeðjunum í Japan og er japönsk að uppruna.

Hamborgararnir eru þannig frábrugðnir venjulegum hamborgurum að kjötið er blandað með lauk og kryddum svo að bragðið minnir einna helst á kjötbollur frekar en klassískan hamborgara. Aðalsmerki staðarins er eins konar salsa sósa sem að þeir setja á borgarana sem að er mjög ljúffeng. Verðið er mjög viðráðanlegt eða um 600-700 yen fyrir hamborgara með frönskum og gosdrykk.

Um gervallt Japan eru um 1.500 útibú, fjölmörg af þeim eru staðsett í Tokyo svo enginn vandi er að finna þennan stað á rölti um borgina. Hefðbundin útibú líta svona út: 1, 2, 3.　　Hér að neðan er staðsetning eins útibúanna í Shinjuku sem er stutt frá stöðinni.

Mos Burger
東京都新宿区西新宿7-1-8
Shinjuku-ku, Nishi-Shinjuku 7-1-8 (Kort)

]]> Teriyaki hamborgarinn (sem er ógeðslega góður), djúpsteiktur rækjuborgari (alveg ágætur bara) og borgarar með hrísgrjónaklessur í staðinn fyrir brauð (ekkert spes).

Venjulegu hamborgararnir eru mjög góðir og ég mæli sérstaklega með Spicy Mos Cheese Burger.

Muna bara að biðja um matseðil á ensku ef valið vefst fyrir þér og afgreiðslumanneskjan talar enga ensku. Þú biður um það með því að segja eigo no menyu kudasai.

First Kitchen

2007-09-12T11:36:24Z

First Kitchen er ein af frægari skyndibitakeðjunum í Japan sem er japönsk að uppruna. Þeir bjóða upp á nokkrar tegundir af hamborgurum en eru einnig með pasta, pizzur og aðra hluti á boðstólum. Matseðill þeirra breytist eftir árstíðum og oft er hægt að fá sérkennilegan japanskan, en mjög ljúffengan, skyndibita þar.

Verðið er afar hefðbundið eða um 600-700 jen fyrir máltíð með drykk og frönskum inniföldum. Útibúin eru mörg talsins en helst er að minnast á Shinjuku útibúið sem að er í stuttri vegalengd frá South Exit lestarstöðvarinnar. Farið er út um South Exit, beygt til hægri um leið og labbað meðfram lestarstöðinni niður að næstu gatnamótum þar sem First Kitchen er hinum megin við götuna á horninu.

First Kitchen
東京都新宿区西新宿1-18-3
Shinjuku-ku, Nishi-Shinjuku 1-18-3 (Kort)

]]> pizzur, pasta, súpur, pylsur og samlokur. Pizzurnar eru mjög góðar og pulsurnar eru frekar spes en ágætt að prufa. Myndi ekki koma nálægt pastainu samt, eini staðurinn til að fá gott pasta í Japan er á alvöru ítölskum veitingastöðum. Myndir ekki trúa því hversu oft ég hef brennt mig á þessu, því er þetta undirstrikað.

Ég mæli sérstaklega með tvöfalda egg og beikon borgaranum og svo að taka með franskar með "garlic butter" kryddi en hægt er að velja milli 10 mismunandi krydd-tegunda á franskarnar.

Þessir staðir eru mjög algengir í Japan og þú átt eflaust eftir að rekast á einn eða tvo í t.d. Shibuya eða Shinjukuog því gef ég ekki upp kort. Muna bara hvernig lógóið lítur út. Hér eru svo dæmi um hvernig staðirnir líta út: 1, 2,3.

Sony Building

2007-09-10T16:43:06Z

Eitt helsta leiðandi aflið í tæknigeiranum í Japan, Sony, er með sýningarsali og búðarrými í byggingu er nefnist Sony Building í Ginza hverfinu. Í þessari byggingu er hægt að sjá allt það nýjasta frá Sony og þar á meðal allskyns vörur sem ógerlegt er að fá í Evrópu.

Fyrstu hæðirnar kynna ýmsar vörur frá fyrirtækinu, allt frá sjónvörpum til róbota, og á efri hæðunum sem og í kjallaranum er hægt að versla ýmsar vörur frá þeim. Gott er að hafa í huga að stundum styðja innlendar vörur þeirra það að setja valmyndir yfir á ensku og þá er ekki þörf að versla sérstaklega "overseas models".

Til að komast þangað er farið út um Exit B9 á Ginza Station sem liggur á Ginza, Marunouchi eða Hibiya Line og þar blasir byggingin beint við.

Sony Building
東京都中央区銀座5-3-1
Chuo-ku, Ginza 5-3-1 (Kort)

]]> PLAZA en þar geturðu keypt allt mögulegt sem Sony framleiðir.

Til að komast þangað er auðveldast að fara út um Exit B9 á Ginza lestarstöðinni (Hibiya subway línan) en þá ættirðu að vera þarna beint fyrir framan húsið. Heimasíða Sony Building er einnig með gott kort hér.