Yellow

Space Lab Yellow, eða bara Yellow, er einn besti næturklúbburinn í Tokyo.  Ótalmargir frægir plötusnúðar og bönd hafa spilað þar en þetta er mjög góður staður fyrir ýmist house, techno, drum'n'bass eða hip-hop kvöld.  Meðal þeirra sem spila þar á næstunni (sep-okt 2007) eru Gilles Peterson, Danny Krivit, Ron Trent, Francois K., Fantastic Plastic Machine, Superpitcher og fleiri.  Mjög tilkomumikill listi yfir þá sem hafa spilað þar finnurðu hér.

Staðurinn er staðsettur í Nishi-Azabu sem er stutt frá djammhverfinu Roppongi.  Auðveldast er að koma sér til Nishi-Azabu með að kíkja fyrst til Roppongi og rölta þaðan en það tekur um 15-20 mínútur.  Hægt er að sameina þetta með viðdvöl í Roppongi hverfinu en það er svona "útlendingahverfi" með nóg af írskum/mexíkóskum/líbönskum/ogsvoframvegis börum.

Gott kort er að finna hér (Yellow er á C-3) og best er að fara út á Exit 2 á Roppongi Station (Hibiya línan) og rölta þaðan eftir Roppongi-dori götunni.